Fríggjakvøld 14 august fær Náttarklubbin aftur vitjan av HARALDSEN

Handan HARALDSEN er Beinta Haraldsen, sum spælir tónleik úr nógvum ymiskum sjangrum, sum tilsamans skapa eitt ljóðlandslag, sum er bæði nostalgiskt og nútímans. HARALDSEN er eisini kend fyri at lata nógvar kendar føroyskar sangir í ein heilt nýggjan ham.

HARALDSEN hevur diskað til eina ørgrynnu av tiltøkum kring landið og hon endaði Summar Festivalin 2025 við einari dansiveitslu í fullsettum tjaldi.

HARALDSEN fer hetta kvøldið í Náttarklubbanum at skapa eina tónleikaliga ferð gjøgnum hip hop, house, disco, indie dance, reggaeton og aðrar góðar latínskar tónar, elektro og popp.

Vit síggjast á dansigólvinum! 🪩