Uppliv søguna um sluppirnar úr Vági, sum fórust undir krígnum

Sluppsavnið heldur til í Gamla Skúla í Vági, í sama bygningi sum Ruth Smith Savnið.

Poul Niclassen, vanliga nevndur Malle-Poul, hevur gjørt modell av teimum níggju sluppunum úr Vági, sum fórust undir seinna heimsbardaga, og latið savninum tey sum gávu. Modellini varðveita søguna um skipini og eru ein týðandi partur av frásøgnini um sjólív og sigling úr Vági hesi árini.

Á savninum eru eisini lutir frá seinna heimsbardaga.