Uppliv søguna og gerandislívið í Porkeri fyrr í tíðini

Porkeris Bygdarsavn heldur til í Gamla Skúla, sum varð bygdur í 1888 og varð brúktur sum skúli, til nýggi skúlin í bygdini varð tikin í nýtslu í 1984. Í dag er gamli skúlin karmur um eitt siðsøguligt savn við gomlum lutum, myndum og øðrum tilfari úr bygdini.

Savnið varð sett á stovn fyri at savna og varðveita fornminni og forngripir úr Porkeri og geva innlit í lívið í bygdini fyrr í tíðini. Savnsognin fevnir millum annað um lutir, myndir og skrivligt tilfar.

Til bygdarsavnið hoyrir eisini gamla ognin Í Eystrum við sethúsum, sornhúsi og fjósi.

Savnið kann vitjast eftir avtalu.