Kom og uppliv eina óvanliga framsýning í Gamla skúla í Leirvík

Talan er um framsýning, ið tekur støði í tí útgrevstrinum, ið fór fram á Toftanesi summurini frá 1982 til 1987. Í samband við henda útgrevstur vóru umleið 3000 lutir funnir, og onkrir teirra verða nú vístir fram.

Útgrevsturin avdúkaði ein bóndagarð, eitt langhús, frá umleið ár 900, við trimum úthúsum, ið enn sæst í lendinum, um ein vitjar toftirnar á Toftanesi.

Opið er:

Leygardagar: Kl. 10-17
Sunnudagar: Kl. 13-17

Tað er ókeypis at vitja framsýningina, og øll eru hjartaliga vælkomin.