Tú hevur ongar yndis enn

Her kanst tú savna íblástur, greinar, tiltøk og støð, sum tú hevur áhuga fyri.

Trýst á ikonið á síðurnar, so koma tær fram her.

Íblástur & Greinir

Tiltøk & Túrar

Støð

Bygdagøtur

Leita Leitingarúrslit

INSPIRATIÓNIR & ARTIKLAR

TILTØK & GONGUTÚRAR

Støð

Fuglafjørður - Hellurnar - umvegis Altarið

Mynd: @kirstinvang
Varðin uppi í Botni omanfyri Fuglafjørð, uml. 250m frá Fuglfjarðarskarði. Mynd: Óli Gardshodn
Útsýnið frá Vørðhamari út yvir dalin omanfyri Hellurnar. Tá gingið verður frá Fuglfjarðarskarði oman til Hellurnar, kemur ein til hendan varðan í Vørðhamari, sum vísir á stíggin sum gangast kann gjøgnum. Mynd: Óli Gardshodn
Útsýnið oman gjøgnum dalin omanfyri Hellurnar. Bygdagøtan gongur gjøgnum gomlu torvheiðarnar, har fleiri torvkráir síggjast. Mynd: Óli Gardshodn
Eyðkendi høgi pelin omanfyri Hellurnar, sum vísir hvar leiðin oman til Hellurnar gongur gjøgnum brøttu brekkuna, kalla Spreingisbrekka. Steinar, við gulum frámerki vísa á leiðina. Mynd: Óli Gardshodn

Mynd: @kirstinvang
Varðin uppi í Botni omanfyri Fuglafjørð, uml. 250m frá Fuglfjarðarskarði. Mynd: Óli Gardshodn
Útsýnið frá Vørðhamari út yvir dalin omanfyri Hellurnar. Tá gingið verður frá Fuglfjarðarskarði oman til Hellurnar, kemur ein til hendan varðan í Vørðhamari, sum vísir á stíggin sum gangast kann gjøgnum. Mynd: Óli Gardshodn
Útsýnið oman gjøgnum dalin omanfyri Hellurnar. Bygdagøtan gongur gjøgnum gomlu torvheiðarnar, har fleiri torvkráir síggjast. Mynd: Óli Gardshodn
Eyðkendi høgi pelin omanfyri Hellurnar, sum vísir hvar leiðin oman til Hellurnar gongur gjøgnum brøttu brekkuna, kalla Spreingisbrekka. Steinar, við gulum frámerki vísa á leiðina. Mynd: Óli Gardshodn

Ein søguríkur túrur um skarðið, har gamlir varðar vísa leiðina

Túrurin byrjar við bókasavnið beint omanfyri bátahylin. Frá bókasavninum gongur tú skrátt eystur gjøgnum fríøkið og haðani niðan eftir Traðargøtu, niðan um skúlan, eystur um fótbóltsvøllin og niðan eystarumegin Skarðsá. Gakk gjøgnum rættina og víðari út gjøgnum bøgarðsportrið. Pelar vísa leiðina niðan fram við Skarðsá.

Við bakinum móti Fuglafirði sært tú Blábjørg, Jøklaskarð, Gjógvaráfjall og Niðan á Hús, hagar fólk í gomlum døgum flýddu undan sjórænarum. Síðan sært tú Nón, sum hevur fingið navn eftir, at sólin rakar har um nón, klokkan trý seinnapartin, Breiðaskarð, Kamb, Trælavatnaskarð og Tyril.

Tiltakið Topp Fuglafjørður er stundum í september. Tá verður gingið niðan á tey tíggju fjøllini kring Fuglafjørð. Túrurin er 18–20 km og rættiliga krevjandi, men framúr vakur. Nærri kunning fæst á kunningarstovuni.

Uppi við Botnsbrúgv verður farið vestur um ánna og inn á gomlu varðagøtuna, kallað Sjúrðargøta. Søgnin sigur, at ein risi kom úr Suðuroy til Oyndarfjarðar at royna sína styrki, men eingin hættaði sær móti honum. Oyndfirðingar eggjaðu Sjúrði bónda at bjóða risanum av. Hann læt yngsta sonin, sum eisini æt Sjúrður, royna seg. Teir tókust, og Sjúrður vann á risanum. Pápin lønti honum væl fyri roysnið.

Fylg varðunum niðan gjøgnum Botn og niðan á Fuglafjarðarskarð. Á skarðinum eru tveir stórir varðar. Gamalt er at leggja tríggjar steinar aftur at teimum, hvørja ferð tú gongur framvið, og siga: „Í navni Faðirsins, Sonarins og Heilaga Andans.“ Hetta skal vælsigna og verja teg, so tú ikki villist. Av skarðinum sært tú norður móti Oyndarfirði og fjøllunum Tindi, Knúki og Sandfelli. Fyrsta sunnudag í august er siður at hava fólkafund við røðu og sangi á skarðinum.

Av Fuglafjarðarskarði ber til at ganga niðan á Altarið, 483 metrar høgt, og njóta serstakliga góða útsýnið. Hesin eyka teinurin er ein kilometur hvønn vegin. Gingið verður um Á Háls, gomlu farleiðina til Góðadals, har fuglfirðingar skóru torv. Torvið í Góðadali var tiltikið gott, og aðrar bygdir, eitt nú Trøllanes, fingu eisini torv haðani.

Úr erva er avbera gott útsýni í allar ættir. Norðureftir sært tú Oyndarfjørð og Hellurnar og út á Norðoyggjar við eyðkendu Kalsoynni fremst. Eisini er vakurt útsýni oman yvir Góðadal og suður móti Fuglafirði og fjøllunum rundanum. Gingið verður sama veg oman aftur á Fuglafjarðarskarð.

Tá ið tú gongur oman av skarðinum, eru Hulduheyggjar vestanfyri. Her skal jarðarmóðirin á Dalbø í Fuglafirði hava hjálpt einari huldukonu, ið skuldi eiga, og fingið góða løn afturfyri.

Ein onnur søga er um stríð um jørð millum bóndan í Oyndarfirði og Gullbrand bónda í Fuglafirði. Gullbrandur varð dripin, fjaldur í Gullbrandshelli og lagdur í Gullbrandsleiði, sum er nær við gøtuna.

Tá ið tú nærkast Hellunum, gongur tú oman Kliv og Spreingisbrekku. Har er eitt sindur bratt, til tú kemur til hagaportrið.

Vís allar Google Kort

Tak niður GPX slóð

Fuglafjordur-Altarið-Hellurnar Hellurnar-Altarið-Fuglafjørður

Fuglafjørður - Hellurnar

Hellurnar - Fuglafjørður

Fuglafjørður - Hellurnar

Busssamband er bæði til Fuglafjarðar og Hellurnar Leið 410 koyrur til og frá Fuglafirði.

Parkering í Fuglafirði
Í Fuglafirði ber til at seta bilin við vegjaðaran oman fyr Bókasavnið, Karvatoftir 1, sí grønu frámerkingina. Fylg bláu strikuni út á bygdagøtuna.

Hellurnar - Fuglafjørður

Busssamband er bæði til Fuglafjarðar og Hellurna. Leið 481 koyrur av Skálafjørðið til Oyndarfjørð.

Parkering á Hellunum
Á Hellunum eru hampiliga góðir parkeringsmøguleikar. Niðan fyri vegin niðri bygdini, har sum gøtan byrjar, er parkeringspláss til nakrar bilar. Annars eru góð parkeringsviðurskifti niðri við kaiina, har sum høvuðsvegurin endar, uml. 160 m frá sjálvari bygdagøtuni. Til ber eisini at seta bilin við kirkjuna, um tað ikki er í kirkjutíð. Sí grønu frámerkingarnar.