opið á Bryggjuni

Vesturgarður - binding við einum nútímans dámi
Barbara Vestgaard og Marita Vestergaard í Lágabø eru kvinnurnar handan Vesturgarð – ein lokal, lítil fyritøka, ið er serkøn í sniðgeving og binding av føroyskum pløggum við einum nútímans dámi. Á Vesturgarði verður alt gjørt frá grundini av – hondkarðað og hondspunnið føroysk tógv - til at binda og skapa vøkur, serstøk pløgg við hond. Á Vesturgarði kanst tú uppliva veruliga “slow fashion”, har dentur verður lagdur á burðardygd og gott handverk, og har tvey pløgg ikki eru eins.