Málið er sera kynsbundið. Men hvørji fornøvn brúka vit um vit eru ikki-biner?

Føroyskt er eitt mál, sum í stóran mun er kynsbundið. Men hvørji fornøvn brúka vit, um vit ikki eru antin maður ella kvinna? Hvussu sleppa vit undan kynsbundnum máli, og hvussu mennist og broytist okkara mál í veruleikanum?

Á hesum tiltakinum fer Sigmundur Mørkøre at leggja fram áhugaverdu úrslitini frá "Ikki-bineru spurnakanningini" hjá Fornøvn.fo, sum er størsta kanningin av ikki-binerum máli í Føroyum. Vit fara at hyggja nærri at, hvussu føroyingar svaraðu, og hvat hetta merkir fyri framtíðina á føroyska málinum. Møguleiki verður eisini at seta spurningar.

Aftan á framløguna verður lagt upp til kjak og hugna, har vit kunnu tosa víðari um evnið.

LGBT+ Føroyar bjóðar kaffi, te og kaku.

Tiltakið er ókeypis og er í Perluni, Tórsgøta 3.