Í Dali skipar bygdafólkið fyri kvøldsetu í bygdahúsinum Eiriksgarði. Har savnast børn, ung, tilkomin og gomul at spinna, karða, nappa ull, binda bul og mangt annað. Víst verður eisini á gomul føroysk barnaspøl.

Meðan arbeitt verður, verður sagt frá søgu, sagni ella ævintýri og sungin verður onkur miðaldarvísa ella skjaldur. Farið verður upp á gólv við góðum kvøðarum úr Dali.

Eisini verður boðið breyð við góðum føroyskum viðskera, ella føroyskum døgurða við lambskjøti.

Samanumtikið eitt ógloymandi kvøld!

Hent at vita

Kvøldsetan varar á leið 2 tímar.

Vit bjóða kvøldsetu til bólkar á minst 12 fólk.

Møguleiki er at samantvinna kvøldsetu við gongutúri millum Skarvanes og Dal, við ferðaleiðara.

Prísur

Kvøldseta við breyði og føroyskum viðskera: 480 kr. fyri hvønn

Kvøldseta við føroyskum døgurða: 600 kr. fyri hvønn

Bílegging

Meira fæst at vita við at venda sær til Sandoyar Kunningarstovu, tlf. 222 078 og teldupost info@visitsandoy.fo.