Kajakk á Sandsvatni
Nú kanst tú royna teg í kajakk tá tú kemur suður at ferðast. Gleð teg til at uppliva Sandsvatn á ein øðrvísi og spennandi hátt!
Óansæð um tú ert á byrjunarstøði ella hevur roynt tað fyrr, er hetta ein serlig uppliving.
Hent at vita
Tú leigar kajakkina í 3 tímar, og tað gevur tær góðan møguleika at síggja vakra umhvørvið og royna teg í kajakkini.
Hesar kajakkir eru tær tryggastu á marknaðinum og eru lættar at brúka. Hvør kajakk er gjørd til eitt fólk.
Tú fært atgongd til kajakkirnar beint við Effo-støðina á Sandi, og leigar tær her.
Sandsvatn
Sandsvatn er stóra vatnið beint við Sands bygd. Sandsvatn er størsta vatnið á Sandoynni og triðstørsta vatnið í Føroyum.
Sandsvatn er uml. 2 kilometrar langt og har tað er breiðast uml. 640 metrar. Ummálið er 0,82km2 og størsta dýpið uml. 5 metrar undir vatnskorpuni. Avlanga vatnið var upprunaliga ein áarrás, íkomin av niðurbróting og máan av gosrunnum legugrýti. Nú á døgum er vatnið typt frá havinum av einari uml. 400 metrar breiðari strond, sum fyri stóran part er av sandi. Á strondini, serliga niðan móti vatninum, eru við tíðini grasvaksnir sandheygar íkomnir – teir sokallaðu Mølheyggjarnir, har plantur og smákykt trívast, sum annars ikki finnast í Føroyum. Sandsvatn er annars vælumtókt millum stuttleikafiskimenn, bæði laksur og síl finnast í vatninum (stamps.fo).
Bílegging
Bílegg hjá Guide To Faroe Islands ella á info@visitsandoy.fo.
Prísur
3 tímar uttan guide: 200 kr. (fyri hvørja kajakk)
Tøki
Alt árið.