25 May
Tórshavn (capital)
100 - 200 DKK
Annað

398 dagar sum fangi hjá islamiskum stati (DK)

x
Daniel Rye sigur livandi, opið og í ræðandi smálutum frá tíðini sum fangi hjá IS.

Í 13 mánaðir sat danski myndamaðurin Daniel Rye sum fangi hjá harðrenda yvirgangsfelagsskapinum IS. Hann slapp livandi frá karráa fongslinum í Raqqa í Sýria, tí familjan – ein vanlig arbeiðarafamilja í Give – megnaði í stillum at skava saman 15 milliónir krónur í loysigjaldi.

Fleiri av hinum, sum sótu í fangaleguni, vóru eirindaleyst tiknir av døgum, teirra millum amerikanski journalisturin, James Foley, sum varð dripin í 2014. Skelkandi upptøkan av avrættingini ferðast seinni skjótt og víða á internetinum.

Mikukvøldið tann 25. mai fer Daniel Rye at fortelja sína søgu í Norðurlandahúsinum.

Livandi og í smálutum sleppa áhoyrarnir við á ferðina úr Danmark til Sýria, har Rye bara 24 ára gamal var við myndatólinum í arbeiðsørindum fyri at vísa umheiminum syndarligu livikorini í krígsherjaða landinum. Dagin fyri, at hann skuldi heim aftur til Danmarkar, var hann brádliga burturfluttur av yvirgangsmonnum. Í 398 dagar var hann innistongdur og píndur, meðan familjan samráddist við yvirgangsfelagsskapin um at keypa hann leysan.

Í apríl í ár stóð Daniel Rye aftur andlit til andlits við tveimum av teimum fýra náðileysu gíslatakarunum, sum gingu undir navninum “The Beatles”, tí teir tosaðu væl enskt. Tað var í rættarsali í Virginia, USA, har hann vitnaði í sakarmálinum ímóti teimum.

Tað er Uni Holm Johannesen, stjórnmálafrøðingur og journalistur, ið skipar fyri.

Steðgur verður frá 19.50 – 20.10.

Atgongumerki: 200 kr.
Nøkur atgongumerki verða seld til lesandi og ung undir 18 ár fyri hálvan prís (avmarkað nøgd).

Address

Nordic House - Norðurlandahúsið

Norðari Ringvegur
100 Tórshavn
Tórshavn (capital)

Date

25 May 19:00

Price

Lesandi og ung undir 18 ár 100 DKK

Atgongumerki 200 DKK