"Vit syngja jólini inn" í Gøtu kirkju, verður í ár hildin 4. sunnudag í advent.

Siðbundna jólakonsertin "Vit syngja jólini inn" í Gøtu kirkju, verður í ár hildin 4. sunnudag í advent, 22. Des., kl. 19.00. Kórið hevur sett eina spennandi og sera "jólaliga" skrá saman, so jólahýrurin verður í topp gjøgnum konsertina 🙂. Umframt Gøtu Kirkju Ungdómskór luttekur Gøtu Kirkju Barnakór eisini við bæði sjálvi og partvís saman við Gøtu Kirkju Ungdómskóri - so her er nógv at gleða seg til 🙂
Kirkjan er altíð stúgvandi full til hesar konsertirnar, so set 22. des. kl. 19.00 av í kalendaranum og møt tíðliga, um rætta plássið skal fáast.
Kórið verður sum altíð, sera væl fyrireika, til at geva tykkum áhoyrarum tí best møguligu jólakonsertina. Kórið leggur dent á at hava nøkur nýggj elementir við hvørt ár til jólakonsertina - og í ár verður onki undantak.
Konsertin er ókeypis, men høvi verður at geva eina gávu til raksturin av kórinum, og tær stóru avbjóðingar, sum kórið hevur fyri framman.