Setursskúlar
Skulu tit á setursskúla til Sandoynna ella Skúvoynna? So hava tit nógv at gleða tykkum til!
Gisting
Vit hava fleiri ungmannafelagshús, har tit kunnu gista á bóli, ella um tit eru ein minni bólkur, kunnu tit eisini gista í summarhúsið. Húsini síggja tit her.
Upplivingar
Her er nógv at uppliva. Vit fáa vitjan av skúlaflokkum hvørt ár, og tí hava vit gjørt eitt yvirlit við tilboðum, ið vit hava gjørt til setursskúlar, so tit lætt og skjótt síggja, hvat tit kunnu gera tá tit vitja okkum. Hví ikki t.d. kombinera túrin til Sands við einum dagstúri til Skúvoyar, og einum bygdatúri í Húsavík? Nógvir eru møguleikarnir, og niðanfyri kunnu tit lesa um ein brotpart av teimum.
Bygdasavnið á Sandi (Norðara Koyta)
Bygdasavnið er frá 1812 og dugnalig frásøgufólk greiða tykkum frá um økið í Koytu, húsið og lutirnar ið eru væl varðveittir á savninum.
Kostnaður
Kostnaður fyri at vitja bygdasavnið er 600,- fyri ein skúlaflokk.
Hesin prísur er bert galdandi fyri setursskúlar.
Bygdatúrur í Húsavík
Bygdatúrar eru hugnaligir, læruríkir, og øll kunnu vera við. Við staðkendum frásøgumanni ganga tit í Húsavík og hoyra søgur um bygdina.
Kostnaður
Kostnaður fyri bygdatúrin er 150 kr. fyri 5 tey fyrstu, hareftir er prísurin 25 kr. fyri hvønn.
Hesin prísur er bert galdandi fyri setursskúlar.
Listasavnið
Á Listasavninum á Sandi fáa tit eina spennandi frágreiðing um listasavnaran, Sofus Olsen, ið lat savnið til bygdina. Savnið hevur m.a. verk frá Mikinesi, Ingálvi av Reyni og Janusi Kamban.
Kostnaður
Kostnaður fyri at vitja listasavnið er 500,- fyri ein skúlaflokk.
Hesin prísur er bert galdandi fyri setursskúlar.
Túrar við ferðaleiðara
Til ber eisini at fara aðrar túrar við staðkendum ferðaleiðara, t.d. at hoyra um fornfrøðina á Sandi, um Sigmundarstein í Skúgvi, bygdatúrar eftir tykkara ynski, tað kundi t.d. verið ein rithøvundatúrur í Skálavík, ella ein túr í fjøllini.
Kostnaður
Kostnaður fyri bygdatúrar er frá kr. 720,-, og fjallatúrar við ferðaleiðara eru frá kr. 1200,-
Veltan
Tey í Veltuni halda, at í Føroyum eigur at bera til at eta føroyskt grønmeti! Har velta tey salat, kál, gularøtur, glaskál, purrur, røtur, epli, ertrar og nógv annað – sumt í størri nøgdum, annað sum royndir. Tey leggja eftir at skapa variatión og vitan um hesa ymsu grøðina, so veltan er í støðugari menning.
Kostnaður
Tað kostar onki hjá setursskúlum at vitja Veltuna, tað einasta vit ynskja okkum afturfyri er, at tit hjálpa okkum við t.d. at lúka, sáa, vatna ella rudda. Afturfyri fortelja vit tykkum um Veltuna.
Vitjanin tekur 1,5 – 2 tímar.
Hetta er bert galdandi fyri setursskúlar.
Ævintýrtúrur
Tit hoyra um gívrina og síggja gívrinarspor, knúgvarnar og holuna, har hon búði! Túrurin tekur umleið tveir tímar, og eldri sum børn orka at ganga hann.
Kostnaður
Kostnaður er 80 kr. fyri hvønn, fyri upp til 10 fólk. Um tit eru fleiri enn 10 fólk, er prísurin 80 kr. fyri tey fyrstu 10 og hareftir 50 kr. fyri hvønn. Minsti prísur 720 kr. (9 fólk).
Bílegging
Bílegg við at senda ein teldupost til info@visitsandoy.fo ella við at ringja á 222 078!
Minst til at viðmerkja, at talan er um setursskúla.